پی ایس ایل فرنچائز ملتان سلطانز 2 ارب 45 کروڑ روپے میں میں نیلام ہوگئی۔
ملتان کی ٹیم کی نیلامی تقریب میں بیس پرائس 182 کروڑ روپے مقرر کی گئی تھی، جبکہ اس آکشن میں 5 بڈرز شریک تھے۔ ولی ٹیک نے ملتان کی فرنچائز 2ارب 45کروڑ میں خرید لی۔ ملتان فرنچائز کانام راول پنڈی رکھ دیا گیا۔
تقریب میں پاکستان کرکٹ بورڈ کے چیئرمین محسن نقوی اور سابق چیئرمین نجم سیٹھی بھی موجود تھے۔ پاکستان کے معروف لیجنڈ بلے باز ظہیر عباس نے بھی آکشن میں شرکت کی۔
چیئرمین پی سی بی محسن نقوی کا کہنا تھا کہ کوشش تھی ملتان کی ٹیم کو بھی اچھی قیمت میں فروخت کریں، آکشن کےدوران وزیراعظم سے دومرتبہ فون پر بات ہوئی ،وہ بھی پرجوش تھے، پی ایس ایل کے حوالے سے بہت کام چل رہا ہے۔
واضح رہے کہ سابق مالک علی ترین کی جانب سے ٹیم کی اونرشپ کی تجدید نہ کرنے پر اس سال پاکستان کرکٹ بورڈ نے خود ملتان سلطانز کے انتظامات سنبھالنے کا فیصلہ کیا تھا تاہم پی ایس ایل کی 2 نئی ٹیموں کی نیلامی کی کامیابی کے بعد کرکٹ بورڈ نے ملتان سلطانز کو بھی نیلام کرنے کا فیصلہ کیا۔
