وزیراعظم پاکستان کی ہدایت پر فلسطینی بہن بھائیوں کیلئے مزید سو ٹن امدادی سامان پر مشتمل کھیپ روانہ کردی گئی ہے۔
ترجمان این ڈی ایم اے کے مطابق سو ٹن سامان پرمشتمل مجموعی طور پر 28 امدادی کھیپ الخدمت فاؤنڈیشن کے تعاون سے بھیجی گئی،خیموں پرمشتمل امدادی سامان بذریعہ خصوصی پرواز علامہ اقبال انٹرنیشنل ایئرپورٹ لاہورسے روانہ کیا گیا۔
سامان روانگی تقریب کے مہمانِ خصوصی وزیرِ ہاؤسنگ پنجاب ایم پی اے میاں بلال یاسین تھے،تقریب میں این ڈی ایم اے اور وزارت خارجہ کے افسران سمیت حکومتی اور الخدمت فاؤنڈیشن کے نمائندگان بھی موجود تھے۔
پاکستان اب تک مجموعی طور پر 28 امدادی کھیپوں کے ذریعے 2727 ٹن امدادی سامان فلسطین بھجوا چکا ہے۔
