انٹرنیشنل کرکٹ کونسل( آئی سی سی)پاکستان کرکٹ بورڈ اور بنگلادیش کرکٹ بورڈ کے درمیان پاکستان کےٹی ٹوئنٹی ورلڈکپ میں بھارت کے خلاف میچ کے بائیکاٹ کےحوالے سے ہونے والےمذاکرات ختم ہو گئے،اگلے 24 گھنٹے میں بڑے بریک تھرو کا امکان ہے۔
آئی سی سی کی جانب سے پاکستان کو ٹی ٹوئنٹی ورلڈکپ میں بھارت سے میچ کھلانےکے لیے منانے کی کوششیں جاری ہیں۔
ذرائع کےمطابق فریقین کےمابین مذاکرات 5 گھنٹے سےزائد جاری رہےجس میں چیئرمین پی سی بی محسن نقوی کا فوکس بنگلادیش کے ساتھ ہونے والی زیادتی کے ازالے پر رہا،آئی سی سی کے ڈپٹی چیئرمین عمران خواجہ تجاویز کی حتمی منظوری لینے کے لیے واپس روانہ ہو گئے ۔
آئی سی سی وفد سےملاقات سےقبل قذافی اسٹیڈیم میں محسن نقوی سےبنگلادیشی بورڈ کے سربراہ نے ملاقات کی،امین الاسلام نے بنگلادیشی مؤقف کی حمایت پر پاکستان کا شکریہ ادا کیا، امین الاسلام مصروف دن گزارنے کے بعد وطن واپس روانہ ہوگئے۔
دوسری جانب اماراتی کرکٹ بورڈ نےپی سی بی سے رابطہ کیا،پاکستان سے بائیکاٹ کے فیصلے پر نظر ثانی کی درخواست کردی،اماراتی بورڈ نےکرکٹ کے بہترین مفادمیں فیصلہ کرنےکی سفارش کی،ٹی ٹوئنٹی ورلڈ کپ میں پاک بھارت ٹاکرا پندرہ فروری کو شیڈول ہے۔
بھارت سے میچ نہ کھیلنے کے حوالے سے آئی سی سی کی درخواست پر چیئرمین پی سی بی نے وزیر اعظم سے دوبارہ رابطے کا فیصلہ کرلیا،آئندہ ایک دو روز میں ملاقات متوقع ہے، محسن نقوی آئی سی سی کی درخوست پر وزیراعظم سے ہدایات لیں گے۔
