پاکستان اور ازبکستان کرپشن کے خاتمے کیلئے مشترکہ کوششیں کریں گے۔ دونوں ممالک کے دورمیان انسدادِ بدعنوانی کیلئے معاہدہ طے پا گیا۔
نیب اور ازبک اینٹی کرپشن ایجنسی کے درمیان مفاہمت کی یادداشت پر دستخط کیے گئے ہیں۔ ترجمان کے مطابق ڈپٹی چیئرمین نیب سہیل ناصر اور ازبک وفد نے معاہدے پر دستخط کئے۔ معاہدے کے تحت منی لانڈرنگ اور مالیاتی جرائم کی روک تھام کے لیے معلومات کا تبادلہ کیا جائےگا۔
دونوں ممالک کی جانب سے فرانزک، اثاثوں کی تفتیش اور تکنیکی مہارت میں ایک دوسرے سے تعاون معاہدے میں شامل ہے۔ بدعنوانی کے خاتمے کے لیے دونوں ممالک کا مشترکہ کوششیں تیز کرنے پر اتفاق کیا۔
ترجمان نیب کے مطابق معاہدہ شفافیت اور گڈ گورننس کے فروغ میں اہم سنگ میل ثابت ہوگا۔ ڈپٹی چیئرمین نیب کا کہنا ہے کرپشن معاشی ترقی کی راہ میں بڑی رکاوٹ ہے، اس کے خاتمے کیلئے عالمی تعاون ناگزیر ہے۔
