ٹی ٹوئنٹی ورلڈ کپ کے آغاز سے ایک دن پہلے آسٹریلیا کی کرکٹ ٹیم کو ایک اور بڑا دھچکا لگ گیا۔
آسٹریلیا کے فاسٹ بولر جوش ہیزل ووڈ ٹی ٹوئنٹی ورلڈ کپ کے لیےمکمل فٹنس حاصل نہ کرسکے جس کے باعث وہ ایونٹ سے باہر ہو گئے ہیں،اس حوالے سے کرکٹ آسٹریلیا نے بھی تصدیق کر دی ہے۔
آسٹریلیا کےسلیکٹر ٹونی ڈوڈی میڈ نے کہا ہے کہ ہم پُرامید تھےکہ ہیزل ووڈ سپر 8 مرحلے تک فٹنس حاصل کر لیں گےتاہم انہیں مکمل فٹ ہونے کے لیے وقت درکار ہے،ہم فوری طور پر متبادل کھلاڑی کا اعلان نہیں کر رہے، ابتدائی میچز کے لیے ہمارے پاس بولرز موجود ہیں۔
اس سےقبل فاسٹ بولر پیٹ کمنز بھی انجری کی وجہ سے ورلڈ کپ سے باہر ہو چکے ہیں۔
خیال رہے کہ ٹی ٹوئنٹی ورلڈ کپ کا باقاعدہ آغاز کل سے ہو رہا ہےجہاں پاکستان ٹیم اپنا پہلا میچ کل نیدر لینڈز کے خلاف کھیلے گی۔
