حیدر حسین کو سیکریٹری جنرل پاکستان ہاکی فیڈریشن کے عہدے پر بحال کردیا گیا، صدر پی ایچ ایف کی جانب سے جاری نوٹیفکیشن معطل کردیا گیا۔
ایڈیشنل ڈسٹرکٹ اینڈ سیشن جج لاہور نے سیکریٹری پی ایچ ایف حیدر علی کو ان کے عہدے پر بحال کرتے ہوئے حکم امتناعی جاری کردیا۔
عدالت نے سیکریٹری پاکستان ہاکی فیڈریشن حیدر حسین کے مستعفی ہونے کے کیس کی سماعت کی اور صدر پی ایچ ایف خالد سجاد کھوکھر کی جانب سے جاری شدہ نوٹیفکیشن معطل کردیا۔
عدالت نے حکم امتاعی میں کہا کہ سیکرٹری جنرل پی ایچ ایف حیدر حسین کے استعفیٰ کا نوٹیفکیشن معطل کیا جاتا ہے۔
اپیل کنندہ کی جانب سے بیرسٹر میاں علی اشفاق، بیرسٹر قدیر جنجوعہ اور بیرسٹر معیز طارق نے دلائل دیئے، عدالت کی جانب سے فریقین کو آئندہ پیشی پر طلبی نامہ جاری کردیا۔
