پاکستان کی معروف کاروباری شخصیت عقیل کریم ڈھیڈی نے سماء ٹی وی سے گفتگو کرتے ہوئے کہا کہ پہلے بھی کہہ چکا ہوں پہلے ہمیں متاثرین کی مدد کرنی چاہیے، ہم اس وقت مل کر کوشش کریں کہ ہم متاثرین کیلئے کیا کر رہے ہیں۔
انہوں نے کہا کہ گل پلازہ میں آگ سے 8 ارب کے قریب نقصان ہوا ہے، یہ لوگ مڈل کلاس سے تعلق رکھتے ہیں، اپنے طور پر متاثرین کی مدد کریں پھر سندھ حکومت سے بات چیت کریں، اسی طرح ہم کام کریں گے تو وفاقی،صوبائی حکومت بھی تعاون کریں گی۔
عقیل کریم ڈھیڈی کا کہناتھا کہ میری پلازہ مالک سے بھی بات ہوئی، پلازہ مالک سے بھی متاثرین کی مدد کیلئے بات ہوئی، پکڑ دھکڑ ہمارا کام نہیں ہے،اس سے باہر نکلنا ہو گا، وسائل کم ہونے کے باوجود فائر فائٹر نے جان کا نذرانہ دیا، ہم سب سانحے کے ذمہ دارہیں، 1200خاندان ہیں ان کے مسائل حل کرنے کی ضرورت ہے۔
جاوید بلوانی کا کہناتھا کہ ایسے حادثات میں سب کو مل کر متاثرین کی مدد کرنی چاہیے، وزیراعلیٰ سے یہی بات کی کہ متاثرین کی مدد کی چاہیے، سندھ حکومت نے آج کافی چیزوں کا اعلان کیا ہے، وزیراعلیٰ نے شہداکی امداد کا اعلان کیا ہے، وزیراعلیٰ نے عمارت دوباہ تعمیر کرنے کا کہا ہے۔
