لاہور کی سیشن کورٹ نے جوا ایپس کی تشہیر کے مقدمے میں یوٹیوبر ڈکی بھائی کی اہلیہ عروب جتوئی کی عبوری ضمانت میں چار فروری تک توسیع کر دی۔
ایڈیشنل سیشن جج منصور احمد قریشی نے عروب جتوئی کی عبوری ضمانت پر سماعت کی۔ ڈکی بھائی کی اہلیہ عروب جتوئی عبوری ضمانت کی میعاد ختم ہونے پر عدالت میں پیش ہوئیں۔ دوران سماعت این سی سی نے مقدمے کا ریکارڈ پیش کرنے کے لیے عدالت سے مہلت مانگی اور کہا کہ تفتیشی افسر اپنے بھائی کی شادی میں مصروف ہیں اس لیے ریکارڈ پیش کرنے کے لیے عدالت مہلت فراہم کرے۔
عدالت نے عروب جتوئی کی عبوری ضمانت میں 4 فروری تک توسیع کردی اور آئندہ سماعت پر این سی سی ائی اے سے مقدمے کا ریکارڈ طلب کر لیا۔ این سی سی آئی اے نے عروب جتوئی کے خلاف مقدمہ درج کر رکھا ہے۔
