حکومت نے پٹرولیم مصنوعات کی قیمتیں موجودہ سطح پر برقرار رکھنے کا فیصلہ کر لیا ہے۔ اس حوالے سے پٹرولیم ڈویژن نے باضابطہ نوٹیفکیشن جاری کر دیا ہے۔
نوٹیفکیشن کے مطابق پیٹرول کی قیمت 253 روپے 17 پیسے فی لیٹر پر برقرار رکھی گئی ہے، جبکہ ہائی اسپیڈ ڈیزل کی قیمت 257 روپے 08 پیسے فی لیٹر بدستور قائم رہے گی۔
حکام کے مطابق قیمتیں برقرار رکھنے کا فیصلہ عوام کو مزید مہنگائی کے بوجھ سے بچانے اور عالمی منڈی میں قیمتوں کے اتار چڑھاؤ کو مدنظر رکھتے ہوئے کیا گیا ہے۔
یاد رہے کہ یکم جنوری کو حکومت کی جانب سے پیٹرول کی قیمت میں 10روپے 28 پیسے فی لیٹر کمی کی گئی تھی جس کے بعد نئی قیمت 253 روپے17 پیسے فی لٹر پر مقرر کی گئی ۔
اسی طرح ڈیزل کی قیمت میں 8 روپے 57 پیسے فی لیٹر کمی کے بعد 257 روپے 8 پیسے فی لٹر مقرر کی گئی ۔
