اسٹیٹ بینک آف پاکستان کے مطابق ملکی زرمبادلہ ذخائر میں 5 کروڑ 60 لاکھ ڈالر کا اضافہ ریکارڈ کیا گیا ہے، جس کے بعد زرمبادلہ ذخائر کا مجموعی حجم 21 ارب 25 کروڑ ڈالر تک پہنچ گیا ہے۔
اسٹیٹ بینک کی جانب سے جاری اعداد و شمار کے مطابق مرکزی بینک کے پاس موجود ڈالر ذخائر میں 1 کروڑ 60 لاکھ ڈالر کا اضافہ ہوا، جس کے بعد اسٹیٹ بینک کے زرمبادلہ ذخائر 16 ارب 7 کروڑ 20 لاکھ ڈالر ہو گئے ہیں۔
دوسری جانب کمرشل بینکوں کے پاس موجود ڈالر ڈیپازٹس میں بھی اضافہ دیکھنے میں آیا، جو 4 کروڑ ڈالر بڑھ کر 5 ارب 17 کروڑ 70 لاکھ ڈالر تک پہنچ گئے ہیں۔
ماہرین کے مطابق زرمبادلہ ذخائر میں یہ اضافہ معیشت کے لیے مثبت اشارہ ہے اور بیرونی ادائیگیوں کے دباؤ میں کمی کا باعث بن سکتا ہے۔
