پنجاب بھر کے سرکاری اسپتالوں میں اب ہر مریض کو اب عالمی معیار کی جدید ترین ادوایات ملیں گی، اسپتالوں میں میڈیکل اسٹاف کے موبائل فون استعمال پر پابندی جبکہ تنخواہیں صرف پرفارمنس پر بڑھیں گی۔
وزیراعلیٰ مریم نواز کی زیرصدارت اجلاس میں صحت کے مںصوبوں کی پیشرفت کا جائزہ لیا گیا وزیراعلیٰ مریم نواز نے سرکاری اسپتالوں کے لئے نئی اور جدید ادویات کی فہرست مرتب کرنےاور کمیٹی بنانے کا حکم دیا۔
دوران ڈیوٹی ڈاکٹرز نرسوں کے موبائل استعمال پر پابندی پر اتفاق کیا گیا۔ اسپتالوں کے سیکورٹی گارڈ، وارڈ بوائے،نرسوں، فارمیسی سٹاف کو باڈی کیم لگانے کا اصولی فیصلہ کیا گیا ہر سرکاری اسپتال میں روزانہ 9 بجے تک مکمل سٹیم کلیننگ کرنے کا حکم دیدیا گیا۔
سرکاری اسپتالوں کو جدید طبی آلات سے لیس کرنے کے لئے چینی ساختہ طبی آلات کی اجازت پر اتفاق کیا گیا ۔ مریم نواز نے اسپتالوں میں موجودسیکورٹی کمپنیوں اور سیکورٹی گارڈ کے خلاف عوامی شکایات کا سخت نوٹس لیا۔ اسپتالوں میں ادویات کی فراہمی کے فول پروف طریقہ کار کا حکم دیا۔
ایم ایس پول قائم کرنے اور صرف پرفارمنس پر تنخواہیں بڑھانے کا فیصلہ بھی کیا گیا۔ کمیونٹی ہیلتھ انسپکٹرز کو ہاسپٹل سروے کی ذمہ داری سوپنے پر اتفاق کیا گیا۔
مریم نواز کا کہنا تھا کہ 80 ارب روپے میڈیسن کے لئے دے رہے ہیں اور ادویات کا نہ ملنا ناقابل فہم ہے۔اب عوام کے پیسے اور وقت ضائع نہیں ہوں گے،نااہل اور کام چوروں گھر جانا ہوگا۔
