انسداددہشت گردی عدالت اسلام آباد نے ڈیجیٹل دہشتگردی کے کیس میں عادل راجا، حیدر مہدی، صابر شاکر، معید پیرزادہ،شاہین صبہائی اور وجاہت سعید کو 2، 2 بار عمر قید کی سزا سنادی۔
انسداددہشت گردی عدالت اسلام آباد کے جج طاہر عباس سپرا 9 مئی کو ریاستی اداروں کے خلاف ڈیجیٹل دہشتگردی کیس کا فیصلہ سنادیا، عادل راجا،حیدر مہدی، صابر شاکر، معید پیرزادہ اور وجاہت سعید کو 2، 2 بارعمر قید کی سزا سنادی گئی، مجرمان کو دیگر دفعات میں بھی مجموعی طور پر 35 سال قید کی سزائیں سنائی گئی۔ مجرمان کو مجموعی طور پر 15 لاکھ روپے جرمانے کی بھی سزا سنائی گئی۔
عدالت نے ٹرائل مکمل ہونے پر فیصلہ محفوظ کیا تھا، پراسیکیوشن کی جانب سے مجموعی طور پر 24 گواہان کو عدالت میں پیش کیا گیا۔ عدالت نے پراسیکوشن کی استدعا پر ملزمان کی غیر موجودگی میں ٹرائل مکمل کیا، انسداددہشتگردی قوانین کے مطابق ملزمان کی عدم موجودگی میں ٹرائل کیا جاسکتا ہے۔
تھانہ آبپارہ کے مقدمہ میں صابر شاکر، معید پیرزادہ،سید اکبر حسین کو عمر قید کی سزا سنائی گئی، تھانہ رمنا کے مقدمہ میں شاہین صبہائی، حیدر مہدی اور وجاہت سعید کو سزا سنائی گئی۔
