2025  میں کئی معروف شخصیات نے ایک دوسرے سے راستے الگ کر لیے۔

سال 2025 جہاں پاکستان میں بڑی تبدیلیوں کاحامل رہا،وہیں شوبزاورکھیلوں سےوابستہ نامورشخصیات کی نجی زندگیوں میں بھی غیرمعمولی اتارچڑھاؤ دیکھنےمیں آیا،رواں برس متعدد معروف ہستیوں کی علیحدگیوں نے مداحوں کو افسردہ کر دیا۔

رواں برس علیحدگی اختیار کرنے والی اہم شخصیات کی تفصیل درج ذیل ہے

1. عماد وسیم اور ثانیہ اشفاق

سابق قومی کرکٹر عماد وسیم اور ثانیہ اشفاق کی علیحدگی رواں سال کی سب سے زیادہ زیرِ بحث خبر رہی۔عماد وسیم کی جانب سے علیحدگی کے اعلان کے بعد ان کی اہلیہ ثانیہ نےسوشل میڈیا پر سنگین الزامات عائدکرتےہوئےدعویٰ کیاکہ انکا گھر ایک تیسری شخصیت کی مداخلت کی وجہ سے اجڑ گیا۔

2. عاصم اظہر اور میرب علی

گلوکار عاصم اظہر اور اداکارہ میرب علی، جنہیں سوشل میڈیا پر ایک مثالی جوڑی قرار دیا جاتا تھا، نے اس سال اپنی منگنی ختم کرنے کا باقاعدہ اعلان کیا۔ شادی کے منتظر مداح اس وقت صدمے سے دوچار ہوئے جب دونوں فنکاروں نے اپنی راہیں جدا کرنے کا فیصلہ کیا، تاہم علیحدگی کی حتمی وجوہات کو نجی رکھا گیا۔

3. اداکارہ مہربانو

بےباک اداکاری کے لیےمشہور مہربانو کی شادی سے متعلق کئی ماہ سےجاری قیاس آرائیوں کا خاتمہ خود اداکارہ نےکیا۔ ایک حالیہ سیشن میں مداح کے سوال پر انہوں نے تصدیق کی کہ وہ اب شادی شدہ نہیں ہیں۔ مہربانو نے 2022 میں شاہ رخ کاظم علی سے شادی کی تھی، لیکن 2025 کے وسط میں انسٹاگرام سے تصاویر ہٹانے کے بعد ان کی طلاق کی خبریں گرم تھیں۔

4 . خوشبو اور ارباز خان

پاکستانی فلم انڈسٹری کی سینئر اداکارہ خوشبو نے رواں برس اداکار ارباز خان سے اپنی راہیں جدا کر لیں۔ ایک انٹرویو میں خوشبو نے سابق شوہر پر دھوکہ دہی کا الزام عائد کرتے ہوئے انکشاف کیا کہ مشکل وقت میں ارباز خان نے ان کا ساتھ نہیں دیا، جس کے باعث ان کے لیے اس رشتے کو برقرار رکھنا ناممکن ہو گیا تھا۔

5. سحر حیات اور سمیع رشید

معروف ٹک ٹاکر سحرحیات اورسمیع رشیدکی طلاق بھی 2025 کی بڑی خبروں میں شامل رہی۔ 2024 میں پہلی اولاد کی پیدائش کے بعد مداحوں کو امید تھی کہ ان کے تعلقات بہتر ہوں گے،لیکن رواں برس دونوں نے قانونی طور پرعلیحدگی اختیارکرلی۔

7. میرا سیٹھی اور بلال صدیقی

اداکارہ اور مصنفہ میرا سیٹھی نے بھی ستمبر 2025 میں اپنے شوہر بلال صدیقی سے علیحدگی کی تصدیق کی۔ میرا سیٹھی، جو اپنی بے باک گفتگو اور قلمی صلاحیتوں کی وجہ سے جانی جاتی ہیں، نے اس مشکل دور کو اپنی زندگی کا ایک شخصی سفر قرار دیتے ہوئے مداحوں کو آگاہ کیا کہ اب ان کی راہیں جدا ہو چکی ہیں۔

8. حنا رضوی اور عمار احمد

اداکارہ شرمین حنا رضوی، جنہوں نے چند سال قبل ہی عمار احمد سے شادی کی تھی، نے بھی رواں برس اپنی علیحدگی کا باقاعدہ اعلان کیا۔ انہوں نے سوشل میڈیا کے ذریعے بتایا کہ ان کے درمیان کچھ ایسے اختلافات تھے جنہیں حل کرنا ناممکن ہو گیا تھا، جس کے بعد دونوں نے باہمی رضامندی سے الگ ہونے کا فیصلہ کیا۔

9. ایمن زمان اورمجتبیٰ لاکھانی

سوشل میڈیا اور ٹک ٹاک کی دنیا کے مقبول جوڑے ایمن زمان اور مجتبیٰ لاکھانی کی علیحدگی نے بھی رواں برس کافی سرخیاں بٹوریں۔ دونوں نے انسٹاگرام سے ایک دوسرے کی تصاویر ہٹانے کے بعد مداحوں کو باقاعدہ طور پر اپنی راہیں جدا کرنے کی اطلاع دی، جس پر ان کے فالوورز نے کافی افسوس کا اظہار کیا۔

10. انوشے عباسی

اداکارہ انوشے عباسی نے رواں برس اپنی نجی زندگی سے متعلق ایک بڑا انکشاف کر کے سب کو حیران کر دیا۔ انہوں نے بتایا کہ ان کی طلاق دراصل چھ سال قبل ہو چکی تھی، لیکن انہوں نے اس معاملے کو اپنی نجی زندگی تک محدود رکھا اور اب جا کر اس کی عوامی سطح پر تصدیق کی۔