پاکستان کی آئی سی ٹی برآمدی ترسیلات میں رواں مالی سال کے پہلے پانچ ماہ کے دوران 18.5 فیصد اضافہ ریکارڈ کیا گیاہے ، برآمدات کا حجم ایک ارب 80 کروڑ امریکی ڈالر کے قریب پہنچ گیا ۔
وزارت آئی ٹی نے آئی سی ٹی برآمدی ترسیلات کے اعدادو شمار جاری کرتے ہوئے کہا ہے کہ نومبر 2025 میں صرف آئی سی ٹی سروسز کی برآمدات 356 ملین امریکی ڈالر رہیں جبکہ اس شعبے نے ایک ارب 58کروڑ 23 لاکھ امریکی ڈالر کا تجارتی سرپلس بھی ریکارڈ کیا، جو دیگر شعبوں کے مقابلے میں بہتر کارکردگی کا مظہر ہے ۔
وزارت آئی ٹی کا کہنا ہے کہ وہ پاکستان کی ڈیجیٹل معیشت کو بااختیار بنانے کے لیے پالیسیوں اور اصلاحات کو مزید مضبوط بنانے کا عمل جاری رکھے ہوئے ہے۔
