وفاقی کابینہ کی ذیلی کمیٹی نے 190 ملین پاؤنڈ اسکینڈل میں چیئرمین پاکستان تحریک انصاف ( پی ٹی آئی ) سمیت دیگر 29 افراد کے نام ایگزٹ کنٹرول لسٹ ( ای سی ایل ) میں ڈالنے کی سفارش کر دی۔
بدھ کے روز وفاقی کابینہ کی ذیلی کمیٹی برائے ای سی ایل کا اجلاس ہوا جس میں نگران وزیر داخلہ سرفراز بگٹی اور وزیر مواصلات و ریلویز شاہد اشرف تارڑ سمیت دیگر متعلقہ اداروں کے افسران نے بھی شرکت کی۔
اجلاس کے دوران کمیٹی کی جانب سے 41 افراد کے نام ای سی ایل میں ڈالنے کی سفارش کی گئی ہے۔
کابینہ کی ذیلی کمیٹی نے 13 مختلف نوعیت کے کیسز اور عدلیہ کی ہدایت پر 7 افراد کے نام ای سی ایل سے نکالنے کی سفارش بھی کی ہے۔
ذیلی کمیٹی کی سفارشات حتمی منظوری کے لئے نگران وفاقی کابینہ کو ارسال کی جائیں گی۔
