پاکستان کرکٹ ٹیم کے آلراؤنڈر فہیم اشرف کی شادی کی تقریبات کا آغاز ہوگیا ہے۔
قومی آلراؤنڈر فہیم اشرف کی شادی کی تقریبات کا آغاز مہندی کی رسم سے ہوا اور منگل کی رات ان کی مہندی کی تقریب ان کے آبائی علاقے پھول نگر میں منعقد کی گئی۔
فہیم اشرف کی مہندی کی تقریب میں ان کے رشتہ داروں اور دوستوں نے شرکت کی۔
دوسری جانب سوشل میڈیا پر ان کی مہندی کی تقریب کی تصاویر اور ویڈیوز وائرل ہیں جن پر انکے مداحوں کی جانب سے مبارکباد اور نیک تمناؤں کا اظہار کیا جا رہا ہے۔
یاد رہے کہ فہیم اشرف کی شادی 25 نومبر کو جبکہ ولیمہ ایک روز بعد ہوگا۔
خیال رہے کہ قومی ٹیم کے اوپنر امام الحق کی شادی کی تقریبات کا آغاز بھی 23 نومبر سے ہونے جا رہا ہے جو کہ 26 نومبر تک لاہور میں جاری رہیں گی۔
