الیکشن کمیشن نے بیرسٹر گوہر کو چیئرمین تحریک انصاف تسلیم کرنےسےانکار کردیا،آزاد سینیٹرز کی پی ٹی آئی میں شمولیت کی درخواست بھی مسترد کردی،کہا آپ کو آزاد سینیٹرز کو پارٹی میں شامل کرانےکا کوئی قانونی حق حاصل نہیں،جواب میں بیرسٹر گوہر نے عدالت سے رجوع کا اعلان کردیا۔
الیکشن کمیشن نے آزاد سینیٹرز کی پی ٹی آئی میں شمولیت کی درخواست مسترد کردی،کہا آپ کو آزاد سینیٹرز کو پارٹی میں شامل کرانےکا کوئی قانونی حق حاصل نہیں،الیکشن کمیشن نے جوابی خط میں بیرسٹر گوہر پر قانونی پوزیشن واضح کردی۔
جوابی خط میں الیکشن کمیشن نےلکھا کہ بیرسٹرگوہر نےآزاد سینیٹرزکی پی ٹی آئی میں شمولیت کی درخواست تسلیم کرنےکا مطالبہ کیا،حالانکہ پی ٹی آئی انٹرا پارٹی الیکشن کیس زیر التوا ہے،اورتحریک انصاف نےخود ہی لاہورہائیکورٹ سےاسٹے آرڈر لےرکھا ہے،بیرسٹرگوہرکو اس وقت چیئرمین پی ٹی آئی تسلیم کیا جا سکتا ہے نہ انہیں آزاد سینیٹرز کو پارٹی میں شامل کرانے کا قانونی حق حاصل ہے۔
بیرسٹر گوہر نے الیکشن کمیشن کا جوابی خط موصول ہونےکی تصدیق کرتے ہوئے معاملہ عدالت لے جانے کا اعلان کردیا،کہاالیکشن کمیشن نے تاحال ہمارا انٹرا پارٹی الیکشن تسلیم کیا نہ ہی سرٹیفکیٹ جاری کیا۔
جب ہمارے سینیٹ کے الیکشن ہوئے تو آزاد سینیٹرز نے پی ٹی آئی کو جوائن کیا وہ خط میں نے الیکشن کمیشن کو بھیجا تھا 13 نومبر کو ان کا مجھے 26 نومبر کا جواب آج موصول ہوا جس میں انہوں نے کہا کہ ہم انہیں تسلیم نہیں کرتے یہ بہت بدقسمتی ہے، ہم یہ معاملہ عدالت میں لے جائیں گے، ویسے بھی یہ زیر التوا ہے
سماء سےخصوصی گفتگو میں بیرسٹر گوہر نےپی ٹی آئی پر پابندی کا امکان بھی رد کر دیا،سوال اٹھایا کہ الیکشن کمیشن کے مطابق پی ٹی آئی رجسٹرڈ جماعت ہی نہیں تو پابندی کیسےلگ سکتی ہے؟
