گلبرگ کے علاقے میں آن لائن ٹیکسی ڈرائیور کی جانب سے فیملی کو ہراساں کرنے کا واقعہ سامنے آیا، جس پر پولیس نے فوری ایکشن لیتے ہوئے ڈرائیور کو گرفتار کر لیا۔
تفصیلات کے مطابق واقعہ اُس وقت پیش آیا جب ایک اوورسیز پاکستانی کی فیملی نے گلبرگ سے کینٹ جانے کے لیے آن لائن ٹیکسی بک کی۔
ڈی آئی جی آپریشنز نے اوورسیز پاکستانی کی آن لائن درخواست پر نوٹس لیتے ہوئے فوری کارروائی کا حکم دیا، جس کے بعد ایس ایچ او گلبرگ نے ٹیم کے ہمراہ ڈرائیور طفیل کو ٹریس کرکے عزیز بھٹی روڈ کے قریب سے گرفتار کر لیا۔
ایس پی ماڈل ٹاؤن شہر بانو نقوی نے ایس ایچ او گلبرگ اور ٹیم کی بروقت اور مؤثر کارروائی پر شاباش دی۔ اوورسیز پاکستانی نے بھی لاہور پولیس کی کارکردگی کو سراہتے ہوئے نیک خواہشات کا اظہار کیا۔
