سینیٹ نے قومی احتساب بیورو ترمیمی بل 2026 کثرت رائے سے منظور کر لیا۔
بل کے متن کے مطابق چیئرمین نیب کی تین سالہ مدت ایک بار مزید تین سال بڑھائی جا سکے گی۔ ہائی کورٹ کے فیصلے کے خلاف تیس دن میں وفاقی آئینی عدالت میں اپیل دائر کی جا سکے گی۔
اپوزیشن نے شورشرابا کرتے ہوئے بل کی کاپیاں پھاڑ دیں ۔ وفاقی وزیرقانون اعظم نذیر تارڑ نے سینیٹر عبدالقادر کے بل کی حمایت کی۔
سینیٹر علی ظفر نے بل ناقابل قبول قرار دیتے ہوئے کہا کہ قانون کو بلڈوز کیا گیا ۔ یہ پارلیمنٹ کے منہ پر طمانچہ ہے۔ قانون سازی صرف بانی پی ٹی آئی کیلئے کی جارہی ہے۔
