وزیرِ تعلیم پنجاب رانا سکندر حیات نے صوبے بھر میں موسمِ سرما کی تعطیلات کا باضابطہ اعلان کر دیا ہے۔ جاری بیان کے مطابق پنجاب کے تمام سرکاری و نجی تعلیمی اداروں میں 22 دسمبر سے 10 جنوری تک موسمِ سرما کی چھٹیاں ہوں گی۔
وزیرِ تعلیم کا کہنا ہے کہ اسموگ کی صورتحال بہتر ہونے پر چھٹیوں میں کسی قسم کا اضافہ نہیں کیا جائے گا۔ انہوں نے واضح کیا کہ تعطیلات کا یہ شیڈول حتمی ہے اور معمول کے مطابق ادارے 11 جنوری سے دوبارہ کھل جائیں گے۔
محکمہ تعلیم نے والدین، طلبہ اور اساتذہ کو تجویز دی ہے کہ وہ موسمِ سرما میں احتیاطی تدابیر اختیار کریں اور چھٹیوں کے دوران تعلیمی سرگرمیوں کا سلسلہ ممکنہ حد تک جاری رکھیں۔
