جنوبی افریقہ کے اسٹار بیٹر فاف ڈوپلیسی آئی پی ایل چھوڑ کر پاکستان سپر لیگ کا حصہ بن گئے۔
جنوبی افریقی کھلاڑی نے بڑے فیصلے کا اعلان سوشل میڈیا پر کیا، جس میں انہوں نے لکھا کہ 14 سال آئی پی ایل کھیلنے کے بعد اب میں نے پی ایس ایل کھیلنے کا فیصلہ کیا ہے۔
فاف ڈوپلیسی نے کہا کہ نیاچیلنج قبول کرنے کا فیصلہ کیا، میں پی ایس ایل کھیلنا چاہتا ہوں، نیا تجربہ بطور کھلاڑی آگے بڑھنے کا موقع ہے۔
بیٹر نے لکھا کہ مجھے ایک نئی لیگ کو قریب سے جاننے کا موقع ملے گا، پاکستان سپر لیگ بھرپور جذبے اور ٹیلنٹ سے بھری ہوئی ہے اور میں پاکستان کی روایتی مہمان نوازی اور پُرجوش شائقین کے سامنے کھیلنے کا منتظر ہوں، آپ سے جلد ملاقات ہوگی۔
