نگراں وزیراعظم انوارالحق کاکڑ کا کہنا ہے کہ مسلح افواج اندرونی وبیرونی چیلنجز سے نمٹنے کی بھرپورصلاحیت رکھتی ہے۔
رسالپور میں پاسنگ آؤٹ پریڈ سے خطاب کے دوران وزیراعظم انوارالحق کاکڑ نے کہا کہ گریجویشن پریڈ کا معائنہ کرکے بےحد خوشی ہوئی۔ پاس آؤٹ ہونےوالے کیڈٹس کو مبارکباد پیش کرتا ہوں۔
وزیراعظم نے کہا کہ توقع ہے آپ اپنی ٹریننگ کی بنیاد پر چیلنجز پر قابو پائیں گے، آپ پی اے ایف کی شاندار روایات کے امین ہیں، قوم کو آپ سے توقعات وابستہ ہیں۔ ان کا کہنا تھا کہ آئی ٹی کی تبدیلیوں نے سیکیورٹی ماحول کوتبدیل کردیا ہے، ٹیکنالوجی کے شعبے میں ہونے والی ترقی سے خود کوہم آہنگ کرنا ہے۔
انوارالحق کاکڑ نے کہا کہ مسلح افواج اندرونی وبیرونی چیلنجزسےنمٹنے کی بھرپور صلاحیت رکھتی ہے، پاکستان امن کاداعی ہے،خطے کے ملکوں کے ساتھ دوستانہ روابط چاہتےہیں۔ مزید کہا کہ مسئلہ کشمیر کے حل کے بغیر خطے میں پائیدارامن کاقیام ممکن نہیں۔
