حیدرآباد کے علاقے لطیف آباد میں پٹاخے بنانے والی فیکٹر میں دھماکے کے باعث 7 افراد جاں بحق ہو گئے ۔
تفصیلات کے مطابق فیکٹری میں کام کرنے والے 7 دیگر افراد شدید زخمی ہوئے ہیں جنہیں طبی امداد کیلئے ہسپتال منتقل کر دیا گیاہے ، فائر بریگیڈ کے عملے میں عمارت میں لگی آگ پر قابو پا لیا، فیکٹری کی عمارت کو شدید نقصان پہنچا ہے جبکہ کئی افراد کے ملبے تلے دبے ہونے کا بھی خدشہ ہے جبکہ متعدد موٹر سائیکلیں ملبے تلے دبی ہوئی ہیں، فیکٹری کھیتوں کے درمیان بنائی گئی تھی ۔
وزیراعلیٰ سندھ مراد علی شاہ
وزیراعلیٰ سندھ مراد علی شاہ نے حیدرآباد فیکٹری دھماکے کا نوٹس لیتے ہوئے واقعے کی فوری رپورٹ طلب کر لی ہے ،ترجمان کے مطابق مرادعلی شاہ کافیکٹری میں حفاظتی انتظامات کا مکمل آڈٹ کرنے کا حکم جاری کر دیاہے اور کہا کہ دھماکے کے ذمہ داروں کے خلاف سخت کارروائی ہو گی، مزدوروں کے تحفظ میں کوتاہی برداشت نہیں کی جائے گی، زخمی مزدوروں کو فوری اور بہترین طبی امداد دی جائے۔
