جاپان کے سنیما آئیکون ٹٹسویا ناکاڈائی 92 برس کی عمر میں چل بسے، ان کی موت کی وجہ نمونیا بتائی گئی ہے۔
ٹٹسویا ناکاڈائی اپنی متعدد فلموں بالخصوص فلم رن اور ہاراگیری میں ناقابل فراموش اداکاری کے لیے مشہور تھے، ٹٹسویا ناکاڈائی کی موت جاپانی فلم کے سنہری دور کے خاتمے کی علامت ہے۔
ٹٹسویا ناکاڈائی جو جاپانی سنیما کی کئی جنریشن کی پہچان بنے، 13دسمبر 1932 کو ٹوکیو میں پیدا ہوئے، کمسنی میں انکے بس ڈرائیور والد کے انتقال کی وجہ سے انکا خاندان مشکلات کا شکار رہا اور آؤیاما منتقل ہوگیا جہاں انھوں نے بڑی سادہ زندگی گزاری۔ انھوں نے جاپان کا مشہور ایکٹنگ اسکول اور تھیٹر کمپنی مومیجوکو قائم کیا۔
