صدرِ مملکت آصف علی زرداری سے وزیراعظم شہباز شریف نے ایوانِ صدر میں ملاقات کی۔ بیرونی حمایت یافتہ دہشت گردوں اور اُن کے سہولت کاروں کے مکمل خاتمے کے عزم کا اعادہ کیا گیا۔
صدرِ مملکت آصف علی زرداری سے وزیراعظم شہباز شریف نے ملاقات کی۔ چیئرمین سینیٹ یوسف رضا گیلانی، اسپیکر قومی اسمبلی ایاز صادق، صدر استحکام پاکستان پارٹی اور وفاقی وزیر عبدالعلیم خان موجود تھے۔ وفاقی وزرا محسن نقوی، چوہدری سالک حسین، اعظم نذیر تارڑ اور خالد حسین مگسی بھی ملاقات میں شامل تھے۔
ملک کی مجموعی سیاسی اور سیکیورٹی صورتحال پر تبادلہ خیال کیا گیا۔ صدرِ مملکت اور وزیراعظم نے دہشت گردی کے حالیہ واقعات کی شدید مذمت کی۔ دونوں قائدین نے اس عزم کا اعادہ کیا کہ غیر ملکی حمایت یافتہ دہشت گردوں اور اُن کے سہولت کاروں کے خلاف کارروائیاں جاری رہیں گی۔ پاکستان سے دہشت گردی کے مکمل خاتمے کے عزم کا اعادہ کیا گیا۔
