سربراہ سنی اتحاد کونسل صاحبزادہ حامد رضا کو گرفتار کرلیا گیا۔
بھائی حسن رضا کا کہنا ہے کہ حامد رضا کو پشاور سے فیصل آباد جاتے ہوئے پولیس نے گرفتار کیا۔ حامدرضا کی گرفتار رات2 بجے اسلام آباد سے ہوئی۔ حامد رضا نے آج فیصل آباد اے ٹی سی میں گرفتاری دینی تھی۔
ترجمان تحریک انصاف شیخ وقاص اکرم کا کہنا ہے کہ حامد رضا کے بھائی صاحبزادہ حسن رضا سے بات ہوئی،انہیں ڈی12موڑ کے قریب اسلام آباد پولیس نے گاڑیاں روک کر گرفتار کیا، حامد رضاپشاور سے فیصل آباد گرفتاری دینے جارہے تھے۔
شیخ وقاص اکرم کا کہنا ہے کہ حامد رضا2روز قبل ہی گرفتاری دینے کا اعلان کرچکے تھے، حامدرضاکسی بھی کیس میں اسلام آباد پولیس کو مطلوب نہیں۔
دوسری جانب سنی اتحاد کونسل کے چیئرمین صاحبزادہ حامد رضا کو فیصل آباد کی انسداد دہشتگردی عدالت میں پیش کردیا گیا۔ عدالت نے صاحبزادہ حامد رضا کو جیل بھجوا دیا۔ صاحبزادہ حامد رضا کو 9مئی مقدمہ میں سزا پر اسلام اباد میں گرفتارکیا گیا تھا۔
