وفاقی وزیر مواصلات عبدالعلیم خان کا کہنا ہے کہ سیاحت کے فروغ کےلیے بہتر سفری سہولیات ترجیحی بنیادوں پر فراہم کی جا رہی ہیں۔ اسلام آباد مری ایکسپریس وے منصوبہ تکمیل کے حتمی مرحلے میں داخل ہو گیا، وزیراعظم جلد افتتاح کریں گے۔
وفاقی وزیر مواصلات عبدالعلیم خان نے اسلام آباد مری ایکسپریس وے کا دورہ کیا، جہاں تعمیراتی کاموں میں مجموعی پیشرفت پر اطمینان کا اظہار کیا۔ کہا یہ منصوبہ عالمی معیار کے انفرااسٹرکچر فراہم کرنے کے عزم کاعکاس ہے۔
عبدالعلیم خان کا مزید کہنا تھا مری ایکسپریس وے کو بین الاقوامی معیار کے مطابق جدید شاہراہ میں تبدیل کیا گیا۔ یہ شاہراہ ہر سال لاکھوں سیاحوں کو مری کے تفریحی مقام تک لے جاتی ہے۔ اسے مزید محفوظ اور آرام دہ سفر کے لئے جدید سہولیات سے آراستہ کیا ہے۔
ان کا مزید کہنا تھا کہ ایکسپریس وے پر موٹروے پولیس کی تعیناتی بھی عمل میں لائی گئی۔ ٹریفک کے بہاؤ اور مسافروں کی رہنمائی کو مزید بہتر بنایا گیا ہے۔ مسافروں کیلئے جدید سہولیات سے مزین ریسٹ ایریاز قائم کئے ۔ یہ منصوبہ عالمی معیار کے انفراسٹرکچر فراہم کرنے کےعزم کا عکاس ہے ۔ بہتر سفری سہولیات ترجیحی بنیادوں پر فراہم کی جا رہی ہیں۔ وزیر مواصلات نے نیشنل ہائی وے اتھارٹی ٹیم کی کارکردگی کو سراہا۔
