وزارتِ خارجہ اور بیرون ملک پاکستانی سفارتی مشنز میں بڑے پیمانے پر تبدیلیاں کردی گئیں ہیں،روس، یو اے ای اور کرغزستان سمیت مختلف ممالک میں نئے سفراء نے ذمہ داریاں سنبھال لیں۔
وزارتِ خارجہ اور بیرون ملک پاکستانی سفارتی مشنز میں اعلیٰ سطح پر تقرریاں اور تبادلے کیے گئے ہیں۔روس میں پاکستان کے نئے سفیر فیصل ترمذی نے ماسکو میں چارج سنبھال لیا۔روس میں سابق سفیر خالد خاں جمالی کو ایڈیشنل فارن سیکرٹری ایڈمن تعینات کر دیا گیا ہے۔متحدہ عرب امارات کے لیے پاکستانی سفیر شفقت علی خان ابو ظہبی پہنچ گئے ہیں اور انہوں نے اپنی ذمہ داریاں سنبھال لی ہیں۔ڈی جی مڈل ایسٹ التمش وزیر خان کو کرغزستان میں پاکستان کا نیا سفیر تعینات کیا گیا ہے۔ زاہد حسین کو ڈائریکٹر جنرل مڈل ایسٹ تعینات کیا گیا ہے،جبکہ کرغزستان میں سابق سفیر حسن ضیغم کو ڈائریکٹر جنرل سینٹرل ایشیا تعینات کر دیا گیا ہے۔ذرائع کے مطابق بلال چوہدری کو ڈائریکٹر جنرل جنوبی ایشیا لگایا گیا ہے۔ہلال چوہدری رومانیہ کے لیے نامزد سفیر الیاس نظامی کی جگہ تعینات ہوئے ہیں۔
وزارتِ خارجہ اور بیرون ملک پاکستانی سفارتی مشنز میں بڑے پیمانے پر تبدیلیاں کردی گئیں
وس، یو اے ای اور کرغزستان سمیت مختلف ممالک میں نئے سفراء نے ذمہ داریاں سنبھال لیں
