خیبرپختونخوا کی کابینہ کے پہلے مرحلے میں شامل کیے جانے والے کابینہ ارکان کے نام فائنل کرلیے گئے۔ صوبائی کابینہ 10 ارکان پر مشتمل ہو گئی۔
ذرائع کے مطابق سابق وزرا مینا خان آفریدی اور آفتاب عالم نئی کابینہ کا حصہ ہونگے۔ اکبر ایوب خان ،عارف احمد زئی کو کابینہ میں لیے جانے کا امکان ہے۔
ضلع خیبر سے عدنان قادری جبکہ نوشہرہ سے ادریس خٹک کابینہ کا حصہ بن سکتے ہیں، احتشام علی ایڈوکیٹ، میاں شرافت، ڈاکٹر امجد اور ریاض خان کے نام بھی فہرست میں شامل ہیں۔
قبل ازیں میڈیا سے گفتگو میں وزیراعلیٰ خیبرپختونخوا سہیل آفریدی نے کہا کہ کابینہ تشکیل کر لی ہے، جلد اعلان ہوگا، پہلے مرحلے میں کابینہ 10 سے زائد ممبران پر مشتمل ہو گی۔
