خیبرپختونخوا کے تین ججز کی خدمات اسلام آباد جوڈیشل سروس کے سپرد کردیے گئے۔ چیف جسٹس اسلام آباد ہائیکورٹ نے تینوں ججز کو ڈسٹرکٹ کورٹس میں ذمہ داریاں بھی تفویض کر دیں۔
خیبرپختونخوا کے ایڈیشنل سیشن ججز عصمت اللہ اور حسینہ ثقلین جبکہ سول جج مریم شہریار کی خدمات ڈیپوٹیشن پر تین سال کیلئے اسلام آباد ہائی کورٹ کے حوالے کی گئی ہیں۔
نوٹیفکیشن کے مطابق ایڈیشنل سیشن جج عصمت اللہ کو اسلام آباد سیشن ڈویژن ایسٹ اور ایڈیشنل سیشن جج حسینہ ثقلین کو سیشن ڈویژن ویسٹ میں تعینات کیا گیا ہے ۔ سول جج مریم شہریار سیشن ڈویژن ویسٹ اسلام آباد میں ڈیوٹی دیں گی ۔ اسلام آباد ہائیکورٹ کے رجسٹرار محمد یار ولانہ نے الگ الگ نوٹیفیکیشن جاری کئے ۔
