بلوچستان کے شہر تربت میں گاڑی کے قریب دھماکے کے نتیجے میں 3 افراد جاں بحق ہوگئے۔
تربت پولیس کے مطابق ہوشاب کے علاقے میں افسوسناک واقعہ پیش آیا ہے جہاں گاڑی کے قریب دھماکہ ہوا جس کے نتیجے میں 3 افراد جاں بحق ہوگئے۔
پولیس نے بتایا کہ دھماکے کے نتیجے میں جاں بحق ہونے والے افراد کا تعلق بالگتر سے ہے اور ان کی لاشوں کو اسپتال منتقل کر دیا گیا ہے۔
پولیس کی جانب سے علاقے کو گھیرے میں لے کر سرچ آپریشن کا آغاز کر دیا گیا ہے۔
