قومی کرکٹ ٹیم کے آلراؤنڈر افتخار احمد کی جانب سے پاکستان کپ کے فائنل کے دوران کراچی وائٹس کے کپتان سرفراز احمد کا شاندار کیچ پکڑنے کی ویڈیو وائرل ہوگئی۔
پاکستان کرکٹ بورڈ ( پی سی بی ) کے زیر اہتمام کھیلے جانے والے ڈومیسکٹ ٹورنامنٹ پاکستان کپ کے فائنل میں کراچی وائٹس اور پشاور کی ٹیمیں مدمقابل ہیں۔
ایونٹ کے فائنل کے دوران پشاور کی نمائندگی کرنے والے آلراؤنڈر افتخار احمد کی جانب سے سرفراز احمد کا شاندار کیچ پکڑا گیا جس کی ویڈیو سوشل میڈیا پر وائرل ہوگئی ہے۔
میچ کے دوران 22 ویں اوور کی تیسری گیند پر کراچی وائٹس کے کپتان سرفراز احمد نے زور دار شاٹ کھیلا جس پر افتخار احمد نے بہترین فیلڈنگ کا مظاہرہ کرتے ہوئے ان کا کیچ پکڑ لیا۔
سوشل میڈیا صارفین کی جانب سے افتخار احمد کی شاندار فیلڈنگ اور ان کے کیچ پکڑنے کے انداز کو سراہا گیا جبکہ پاکستان کرکٹ بورڈ کے آفیشل ایکس اکاؤنٹ کے ذریعے اس کی ویڈیو بھی شیئر کی گئی ہے۔
A superb catch from @IftiMania sees the exit of Karachi Whites skipper @SarfarazA_54 👏#PakistanCup | #PSHvKHIW pic.twitter.com/HHUWDtdUBv
— Pakistan Cricket (@TheRealPCB) November 19, 2023
