ہانگ کانگ میں کارگو طیارہ لینڈنگ کے دوران پھسل کر سمندر میں جاگرا۔
خیبرایجنسی کے مطابق کارگو طیارہ دبئی سے آرہا تھا کہ لینڈنگ کے دوران پھسل کر سمندر میں جاگرا۔ حادثے میں دو افراد ہلاک ہوگئے جبکہ عملے کے چار ارکان کو بحفاظت نکال لیا گیا۔
ہوائی اڈے کا شمالی رن وے پیر کوعارضی طور پر بند کر دیا گیا جبکہ باقی دو رن وے معمول کے مطابق کام کر رہے ہیں۔ٹرانسپورٹ اینڈ لاجسٹکس بیورو کے ترجمان نے واقعے پر تشویش کا اظہار کرتے ہوئے کہا کہ ایئر ایکسیڈنٹ انویسٹی گیشن اتھارٹی حادثے کی وجوہات کا تفصیلی جائزہ لے گی۔
گورنمنٹ فلائنگ سروس کے ہیلی کاپٹرز اور فائر سروسز ڈیپارٹمنٹ کی کشتیاں جائے حادثہ پر روانہ کی گئیں۔ ساؤتھ چائنا مارننگ پوسٹ نے رپورٹ کیا کہ پیر کو درجن بھر کارگو پروازیں منسوخ کر دی گئیں تاہم مسافر پروازیں متاثر نہیں ہوئیں۔
