خیبرپختونخوا میں افغان مہاجرین کے مزید 28 کیمپوں کو ختم کر دیا گیا۔ مہاجرین کیمپس کو دی گئی گاڑیاں اور تمام سہولیات ضلعی انتظامیہ کو واپس کرنے کی ہدایت بھی کردی گئی ہے۔
وزارت داخلہ کی ہدایت پر پشاور میں 8، نوشہرہ میں3 کیمپ بند کر دیئے گئے، ہنگو میں5،کوہاٹ میں4،مردان میں 2 افغان مہاجرین کیمپس کو ختم کیا گیا۔ صوابی میں2 ، بونیر میں ایک اور دیر میں 3 مہاجرین کیمپس کو بند کر دیا گیا۔
قبل ازیں وزارت داخلہ کے فیصلے تحت وزارت سیفران نے خیبرپختونخوا میں 10 افغان مہاجرین کیمپ ختم کرنے کا باضابطہ نوٹیفکیشن جاری کردیا گیا ہے۔
خیبرپختونخوا ختم کئے گئے 10 افغان مہاجر کیمپوں میں ڈی آئی خان، ٹانک، لکی مروت، بنوں اور مانسہرہ کے افغان مہاجرکیمپ شامل ہیں۔ چارسدہ، مالاکنڈ ،ظفر آباد، ڈبارہ ،گندی خان خیل ،بیزن خیل ،خاکی، لچریاں ،بریری، اتمانزئی ،مُنڈا اور زنگل پتائی کے افغان مہاجر کیمپ بھی ختم کردیئے گئے ہیں۔
