یمن کے چیف آف اسٹاف عبدالکریم الغماری فضائی حملے میں ہلاک ہو گئے۔ یمنی حوثیوں نے تصدیق کر دی، اسرائیل نے حملے کی ذمہ داری قبول کرلی۔
خبرایجنسی کے مطابق عبدالکریم الغماری اگست میں اسرائیل کے صنعاء پر فضائی حملے میں زخمی ہوئے تھے، ان حملوں میں حوثی حکومت کے وزیراعظم اور کئی وزرا ہلاک ہوئے تھے ۔ اس وقت اسرائیل نے الغماری کو بھی نشانہ بنانے کا دعوی کیا تھا ۔ حوثیوں کا کہنا ہے اسرائیل کو اپنے جرائم کی سزا ضرور ملے گی۔ اسرائیلی وزیرِ دفاع اسرائیل کاٹز نے الغماری کے اسرائیلی حملے میں مارے جانے کی تصدیق کی ہے۔ حوثیوں نے میجرجنرل یوسف حسن المدانی کو یمنی فوج کا نیا چیف آف اسٹاف مقرر کر دیا ہے۔
