سندھ حکومت نے صوبے بھر میں احتجاج، دھرنے اور ریلیوں پر پابندی عائد کر دی۔ نوٹیفکیشن کے مطابق یہ اقدام صوبے میں امن و امان کی صورتحال کے پیشِ نظر اٹھایا گیا ہے۔
نوٹیفکیشن کے مطابق یہ پابندی ایک ماہ کے لیے نافذ العمل ہوگی۔ حکومت نے سیکشن 144 کے تحت پانچ سے زائد افراد کے جمع ہونے پر مکمل پابندی لگا دی ہے۔ محکمہ داخلہ سندھ کے مطابق یہ فیصلہ صوبے میں امن و امان کی موجودہ صورتحال کے پیشِ نظر کیا گیا ہے۔
آئی جی سندھ کی سفارش پر صوبائی حکومت نے پابندی کا فیصلہ کیا۔انتظامیہ کا کہنا ہے کہ پابندی کی خلاف ورزی کرنے والوں کے خلاف قانونی کارروائی عمل میں لائی جائے گی۔حکومتی احکامات کے بعد پولیس اور انتظامیہ کو صوبے بھر میں ہائی الرٹ کر دیا گیا ہے۔
