ڈی جی آئی ایس پی آر لیفٹیننٹ جنرل احمد شریف چوہدری کا کہنا ہے کہ افغان حکومت سے کہا ہے کہ اپنی سرزمین ہمارے خلاف دہشتگردی کیلئے استعمال نہ ہونےدیں۔
پشاور میں پریس کانفرنس کے دوران لیفٹیننٹ جنرل احمد شریف چوہدری نے کہا کہ افغانستان اپنی سرزمین کونان اسٹیٹ ایکٹرز کی آماجگاہ نہ بننے دے، پاکستان نے لاکھوں افغانیوں کی مہمان نوازی کی ہے۔ پاکستان کے عوام کی حفاظت کیلئے جوضروری ہواہے کریں گے، پاکستان کی خودمختاری کیلئے جو کرنا پڑا کریں گے۔
ترجمان پاک فوج نے کہا کہ افغانستان میں نان اسٹیٹ ایکٹرزکوجگہ دی جارہی ہے، افغانستان میں تمام قسم کی دہشت گرد تنظیمیں ہیں، افغانستان میں ہردہشتگرد گروہ کی کوئی نہ کوئی شاخ موجود ہے۔ سعودیہ سمیت دیگر ممالک نے بھی افغانستان کو سمجھانے کی کوشش کی۔
ڈی جی آئی ایس پی آر نے کہا کہ کون کہہ رہاہے پاکستان میں سیکیورٹی کی گارنٹی افغانستان دے گا؟ کون ہے جوکہہ رہاہے دہشتگردوں سے بات کریں آپریشن نہ کریں؟ کس نے کہا مجھے اپنی ایسی صوبائی حکومت قبول نہیں جوآپریشن کی حمایت کرے؟ بھارت کے ساتھ بیٹھ کر کلائمیکس کرنے والے سے بات کریں؟ بھارت کے ساتھ بیٹھ کر پلاننگ کرنے والے سے بات کریں؟۔ خیبرپختونخوا میں دہشتگردی کے پیچھے سیاسی اور مجرمانہ گٹھ جوڑ ہے۔
