پارلیمنٹ ہاؤس کے باہر میڈیا سے گفتگو کرتے ہوئے پی ٹی آئی کے سیکرٹری جنرل سلمان اکرم راجہ نے کہا کہ قومی اسمبلی میں محمود اچکزئی کو اپوزیشن لیڈر نامزد کردیا ہے، عامر ڈوگر جلد اس حوالے سے کاغذات جمع کرادیں گے، علامہ ناصر عباس سینیٹ میں ہمارے اپوزیشن لیڈر ہوں گے۔
تفصیلات کے مطابق سلمان اکرم کا کہناتھا کہ کل ہماری پارلیمانی سیاست کا نیا دن طلوع ہوگا، یہ بانی پی ٹی آئی کا دانشمندانہ فیصلہ ہے، آج سے پارلیمنٹ ہاؤس کے رول 39 کا آغاز کردیا ہے، ہمارے اراکین قومی اسمبلی نے قرارداد پر دستخط کردیئے، وہ درخواست اسپیکر قومی اسمبلی کو جمع کرائی جائے گی، محمود خان اچکزئی قومی اسمبلی میں اپوزیشن لیڈر ہوں گے، علامہ راجہ ناصر عباس جعفری اپوزیشن لیڈر سینیٹ ہوں گے۔
چیئرمین پی ٹی آئی بیرسٹر گوہر نے بھی اپوزیشن لیڈر کیلئے محمود اچکزئی کے نام کی تصدیق کرد ی ہے ، اور کہا کہ آج بانی پی ٹی آئی کی ہدایت موصول ہوئی تھیں، مشترکہ پارلیمانی پارٹی نے دونوں کو نامزد کردیا۔
