الیکشن کمیشن آف پاکستان ( ای سی پی ) کی جانب سے عام انتخابات کے حوالے سے غیر ملکی ذرائع ابلاغ اور مبصرین کو مدعو کرنے کا فیصلہ کر لیا گیا۔
ای سی پی ذرائع کے مطابق الیکشن کمیشن کی جانب سے غیر ملکی مبصرین اور میڈیا کو مدعو کرنے کی تیاریاں مکمل کر لی گئیں ہیں اور اس حوالے سے ضابطہ اخلاق بھی تیار کر لیا گیا ہے جس کے مطابق الیکشن کا شیڈول جاری ہونے کے فوری بعد دعوت دی جائے گی۔
ای سی پی مبصرین اور میڈیا نمائندوں کو خصوصی سکیورٹی فیچرز کارڈ جاری کرے گا اور انہیں پولنگ اسٹیشنز کے اندر جانے کی رسائی دی جائے گی۔
مبصرین ووٹوں کی گنتی اور نتائج کی تیاری کا جائزہ بھی لے سکیں گے۔
