نیا دن نیا ریکارڈ ،پاکستان اسٹاک ایکسچینج تاریخ کی نئی بلند ترین سطح پر بند ہوئی۔
کاروباری دن کے آغاز پر اسٹاک مارکیٹ نے دوران ٹریڈنگ 157000 پوائنٹس کا سنگ میل عبور کرنے کی تاریخ رقم کی،ہنڈریڈ انڈیکس 476 پوائنٹس بڑھ کر 156563 پوائنٹس کی ریکارڈ سطح پر بند ہوا۔
آج بھی مارکیٹ میں ایک ارب سے زائد شیئرز کی تجارت ہوئی جن کی مالیت 55 ارب روپے رہی،آج اسٹاک مارکیٹ دوران ٹریڈنگ 1044 پوائنٹس کی مندی کے بعد ریکور کر گئی،گزشتہ روز کاروبار کے اختتام پر پاکستان اسٹاک مارکیٹ 1 لاکھ 56 ہزار87 پوائنٹس پر بند ہوئی تھی۔
دوسری جانب سمندر پار پاکستانیوں نے صرف 2ماہ میں آئی ایم ایف پروگرام جتنے 6.5 ارب ڈالر وطن بھیجنے کا ریکارڈ قائم کردیا،اس سے بھی اسٹاک پر مثبت اثر پڑ رہا ہے۔
