پاکستان کرکٹ بورڈ مینجمنٹ کمیٹی کے سربراہ ذکاء اشرف کی کوچنگ اسٹاف اور مینجر سے میٹنگ ختم ہوگئی جس کی اندرونی کہانی سماء منظرعام پر لے آیا۔
سماء نیوز کو ذرائع نے بتایا کہ اجلاس میں ذکاء اشرف نے کچھ دیر کوچنگ اسٹاف کی گفتگو سنی، کوچنگ اسٹاف نے ذکاء اشرف کو تمام تر صورتحال سے آگاہ کیا،ذکاء اشرف نے کوچنگ اسٹاف کو بولتے ہوئے روک دیا،ذکاء اشرف کوچنگ اسٹاف کی بات مکمل ہونے سے پہلے اٹھ کر مکی آرتھر کے پاس گئے،مکی آرتھر کے کان میں ذکاء اشرف نے فیصلہ سنایا کہ باقی لوگوں کو بھی سنادیا جائے۔ذکاء اشرف نے مکی آرتھر سے کہا کہ میں نے دوسری میٹنگ میں بھی جانا ہے آپ سب کو بتا دیں کہ کیا فیصلہ ہے۔
ذرائع کا کہناہے کہ ذکاء اشرف نے کوچنگ اسٹاف کو آسٹریلیا سیریز میں کام کرنے سے روک دیا، چیئرمین مینجمنٹ کمیٹی نے ذکاء اشرف اور گرانٹ بریڈبر ن کو مخاطب کرتے ہوئے کہا کہ ہم آپکو نکال نہیں رہے آپ کو کسی دوسری اسائنمنٹ پر کام دینگے، مکی آرتھر نے جواب دیا کہ ہمیں اگر نکالنا ہے تو پوری طرح نکالیں، ذکاء اشرف نے کہا کہ ہم آپکا فیصلہ آئندہ ایک دو روز میں کرینگے لیکن آپ آسٹریلیا نہیں جارہے،آپکی پرفارمنس کو بھی ری ویو کیا جارہا ہے،دورہ آسٹریلیا میں سابق قومی کرکٹر کو ہیڈ کوچ لگایا جائے گا۔
