وزیردفاع خواجہ آصف کا کہنا ہے کہ احتساب نہ ہوا تو بارش کے بعد تباہی کا تماشا ہر سال ہوگا۔
نمائندہ سماء سے گفتگو میں وزیردفاع خواجہ آصف نے کہا ہے کہ سیالکوٹ میں بارش سے تباہی کی وجہ 2019 میں شروع ہونے والا منصوبہ ہے۔ پی ٹی آئی دور کے منصوبے میں ایک سینیٹر سمیت سیاستدان ٹھیکیدار ہیں۔ حکومت ان کے گریبان بھی پکڑے گی، احتساب بھی کرے گی۔
خواجہ آصف نے کہا کہ پارلیمنٹ کا سیشن شروع ہورہا ہے،وہاں معاملہ اٹھاؤں گا، پراجیکٹ ڈائریکٹر سے رابطہ کیا،ڈیڑھ سال میں خاطرخواہ رسپانس نہیں ملا، گورکھ دھندے میں شامل گورنمنٹ آفیشلز کی جوابدہی بھی ہوگی، یہاں کے پٹواریوں، تحصیلداروں کے پیرس اور نیویارک میں کاروبار ہیں۔ ان پٹواریوں، تحصیلداروں کے پاس کینیڈین شہریت بھی ہے۔
