بھارتی آبی جارحیت کی وجہ سے دریائے راوی میں طغیانی ہے شاہدرہ کے مقام پر دو لاکھ انیس ہزار سے زائد کیوسک کا سیلابی ریلا گزر رہا ہے تاہم کچھ گھنٹے بعد بہاو میں کمی کا امکان ہے۔
ڈی آئی جی آپریشنز فیصل کامران نے دریائے راوی شاہدرہ کا دورہ کیا اور میڈیا سے گفتگو میں کہا کہ تمام ادارے کوآرڈینیشن میں کام کررہے ہیں۔اگر بارش نہ ہوئی تو جلد معاملات کنٹرول میں آجائیں گے۔
فیصل کامران کا کہناتھا کہ پانی بتدریج بڑھتا جارہا ہے پریشر بڑھتا جارہا ہے، لوگوں کو بتا رہے ہیں کہ ایمرجنسی کی صورتحال ہے دریا کے قریب مت آئیں،جہاں خطرہ ہےوہاں پولیس لوگوں کومحفوظ مقامات پر منتقل کر رہی ہے،لوگوں سےدرخواست ہےکہ تماشا نہ دیکھیں پولیس کےساتھ تعاون کریں۔
