مائیکروسافٹ کے بانی بل گیٹس کے بعد اقوام متحدہ نے بھی پاکستان کے سیلاب متاثرین کیلئے امداد کا اعلان کر دیاہے ۔
تفصیلات کے مطابق اقوام متحدہ نے پاکستان کے سیلاب متاثرین کیلئے 6 لاکھ ڈالر امداد کا اعلان کیاہے ، ترجمان اقوام متحدہ کا کہناتھا کہ ریلیف چیف ٹام فلیچر نے امدادی کارروائیوں کیلئے 6 لاکھ ڈالر جاری کردیے ہیں، پاکستان میں بارشوں اور سیلاب سے400 افراد ہلاک،190 سے زائد زخمی ہوئے۔
اس سے قبل مائیکروسافٹ کے بانی بل گیٹس کی گیٹس فاؤنڈیشن نے پاکستان میں سیلاب متاثرین کے لیے ایک ملین ڈالر امداد کا اعلان کر دیا ہے ۔گیٹس فاؤنڈیشن یہ امداد عالمی ادارہ صحت کے ذریعہ پاکستان کو فراہم کرے گیم ڈبلیو ایچ او یہ رقم چاروں صوبوں کے 33 متاثرہ اضلاع میں 4 لاکھ 65 ہزار متاثرین سیلاب کو طبی سہولیات فراہم کرنے پر خرچ کرے گا، ڈبلیو ایچ او پاکستان کے نمائندہ ڈاپنگ لو نے بروقت امداد کی فراہمی پر گیٹس فاونڈیشن کا شکریہ ادا کرتے ہوئے کہا ڈبلیو ایچ او انسانی جانوں کے تحفظ کیلیے پاکستان کے ساتھ کھڑا ہے۔
ڈاپنگ لو نے سیلاب سے متاثرہ علاقوں کا دورہ بھی کیا اس موقع پر ان کا کہنا تھا کہ ماحولیاتی تبدیلی سے مون سون شدت اختیار کررہا ہے اور قدرتی آفات میں تیزی سے اضافہ ہورہا ہے۔
