امریکی اخبار نے فیلڈ مارشل عاصم منیر کو مرد آہن قرار دیدیا، لکھا کہ امریکا میں فیلڈ مارشل کو جنوبی ایشیاء کی سلامتی کیلئے بااثر ترین شخصیت کے طور پر دیکھا جاتا ہے، فیلڈ مارشل عاصم منیر کو خودنمائی اور سیاست میں دلچسپی نہیں ہے، ٹرمپ سے ان کی ملاقات میں انسداد دہشت گردی، سرمایہ کاری اور تجارتی تعاون پر بات ہوئی، پاک امریکا تعلقات دفاع کے ساتھ ساتھ معاشی و تجارتی میدان میں بھی پھیل رہے ہیں۔
ملٹری ڈپلومیسی کی شاندار مثال، اقوام عالم فیلڈ مارشل سید عاصم منیر کی قائدانہ صلاحیتوں کی معترف ہے، عالمی جریدے واشنگٹن ٹائمز نے فیلڈ مارشل سید عاصم منیر کو مرد آہن قرار دے دیا۔
واشنگٹن ٹائمز کا کہنا ہے کہ فیلڈ مارشل سید عاصم منیر جنوبی ایشیا میں صدر ٹرمپ کے نئے اسٹریٹجک پارٹنر بن سکتے ہیں، فیلڈ مارشل سید عاصم منیر انتہائی مضبوط اعصاب کے مالک اور سخت فیصلے لینے کی بھرپور صلاحیت رکھتے ہیں، امریکا میں فیلڈ مارشل کو جنوبی ایشیاء کی سلامتی کیلئے بااثر ترین شخصیت کے طور پر دیکھا جاتا ہے۔
امریکی جریدے نے مزید لکھا ہے کہ آرمی چیف ایک پیشہ ور، خاموش طبع اور نظم و ضبط کے پابند فوجی افسر سمجھے جاتے ہیں، فیلڈ مارشل عاصم منیر کو خودنمائی اور سیاست میں دلچسپی نہیں ہے، پاک بھارت کشیدگی کے دوران فیلڈ مارشل کی عوامی مقبولیت میں نمایاں اضافہ ہوا، فیلڈ مارشل عاصم منیر کی خوبیاں انہیں صدر ٹرمپ کیلئے ایک فطری شراکت دار بناتی ہیں۔
واشنگٹن ٹائمز کا کہنا ہے کہ بھارت سے بگڑتے تعلقات کے تناظر میں فیلڈ مارشل سید عاصم منیر کی ٹرمپ سے ملاقات زیادہ اہم ہے، صدر ٹرمپ نے مداخلت کرکے پاکستان اور بھارت میں جنگ بندی کرائی، پاکستان نے جنگ بندی پر ٹرمپ کا شکریہ اور مودی نے ثالثی کا انکار کیا، فیلڈ مارشل نے افغانستان اور ایران سے لاحق خطرات پر فوجی حکمت عملی میں اہم کردار ادا کیا۔
اخبار نے مزید لکھا ہے کہ فیلڈ مارشل دہشت گرد تنظیموں کیخلاف مؤثر کارروائی کا مطالبہ کرتے ہیں، پاک امریکا تعلقات انسداد دہشت گردی میں تعاون کے حوالے سے مزید مضبوط ہوئے ہیں، پاکستان نے کابل ایئرپورٹ حملے کے ماسٹر مائنڈ کو گرفتار کرکے امریکا کے حوالے کیا، صدر ٹرمپ نے دہشتگردی کیخلاف پاکستان کی کاوشوں کی تعریف کی، ٹرمپ انتظامیہ پاکستان کے ساتھ تعلقات کو بحال کرنے کیلئے سرگرم نظرآرہی ہے۔
امریکی اخبار واشنگٹن ٹائمز کی رپورٹ کے مطابق ٹرمپ کی پاکستان سے اچانک قربت نے دنیا حیرت زدہ کردیا ہے، ٹرمپ اور فیلڈ مارشل کے درمیان اہم ملاقات ہوئی، ملاقات میں انسداد دہشت گردی، سرمایہ کاری اور تجارتی تعاون پر بات چیت ہوئی، وزیرِاعظم شہباز شریف نے ٹرمپ کو نوبل امن انعام کیلئے نامزد کیا، پاک امریکا تعلقات اب صرف دفاعی نہیں بلکہ معاشی و تجارتی میدان میں بھی پھیل رہے ہیں، ٹرمپ پاکستان کی معدنیات، تانبے اور کرپٹو میں دلچسپی رکھتے ہیں۔
امریکی اخبار کا کہنا ہے کہ فیلڈ مارشل عاصم منیر بااثر شخصیت ہیں، انہیں عالمی سطح پر نئی شہرت ملی ہے، جنرل عاصم منیر نے امریکی سینٹرل کمانڈ اور پنٹاگون کے ساتھ تعلقات بحال کئے، عاصم منیر کو سیکیورٹی کے حوالے سے بااثر شخصیت کے طور پر دیکھا جارہا ہے۔
رپورٹ میں مزید کہا گیا ہے کہ آپریشن معرکہ حق کے بعد عاصم منیر کا بین الاقوامی سطح پر وقار میں اضافہ ہوا، جنرل عاصم منیر جنوبی ایشیاء میں ٹرمپ کے نئے اسٹریٹیجک پارٹنر بن سکتے ہیں، صدر ٹرمپ نے افغانستان میں بم دھماکے کے ماسٹر مائنڈ کو پکڑنے پر پاکستان کا شکریہ ادا کیا، پاکستان نے جنگ بندی کیلئے امریکی کردار کو سراہا۔
