انٹرنیشنل کرکٹ کونسل (آئی سی سی) نے ون ڈے پلیئرز کی نئی رینکنگ جاری کردی ہے۔
اعلامیے کے مطابق بیٹرز میں پاکستان کے کپتان بابراعظم کا پہلا نمبر برقرار ہے جبکہ بھارت کے شبھمن گل دوسری پوزیشن پر موجود ہیں۔
نئی درجہ بندی کے مطابق جنوبی افریقہ کے وین ڈر ڈوسن تیسرے، پاکستان کے امام الحق ایک درجے تنزلی کے بعد پانچویں جبکہ فخرزمان کی بھی ایک درجے تنزلی کے بعد 10 ویں پوزیشن پر موجود ہیں۔
ون ڈے بولرز کی رینکنگ میں آسٹریلیا کے جوش ہیزل ووڈ پہلے، مچل اسٹارک دوسرے اور ٹرینٹ بولٹ تیسرے نمبر پر موجود ہیں۔
آسٹریلیا کے ایڈم زیمپا ایک درجہ تنزلی کے بعد چوتھے نمبر پر چلے گئے ہیں جبکہ بھارت کے کلدیپ یادیو ایک درجے ترقی کے بعد ساتویں نمبر پر موجود ہیں۔ افغانستان کے راشد خان ایک درجے تنزلی کے بعد 8 ویں نمبر پر آ گئے ہیں اور پاکستان کے شاہین شاہ آفریدی دسویں نمبر پر موجود ہیں۔
