ایران میں 5.4 شدت کا زلزلہ ریکارڈ کیا گیا، لوگوں میں خوف و ہراس پھیل گیا۔
ایران کے صوبہ کرمان میں زلزلے کے شدید جھٹکے محسوس کئے گئے، جن کی شدت ریکٹر اسکیل پر 5.4 ریکارڈ کی گئی۔
ایرانی میڈیا کے مطابق زلزلے کا مرکز سطح زمین سے 28 کلو میٹر کی گہرائی میں تھا۔
رپورٹ کے مطابق زلزلے کے باعث لوگوں میں خوف و ہراس پھیل گیا، تاحال کسی جانی یا مالی نقصان کی کوئی اطلاع نہیں ملی۔
غیر ملکی خبر ایجنسی رائٹرز کے مطابق جرمن ریسرچ سینٹر آف جیوسائنس کا کہنا ہے کہ ایران میں آنے والے زلزلے کی شدت 5.73 تھی جبکہ اس کی گہرائی 10 کلو میٹر ریکارڈ کی گئی۔
