ورلڈ چیمپئن شپ آف لیجنڈز کے مالک نے براہ راست نشر ہونے والے انٹرویو کے دوران اینکر کو ہی شادی کی پیشکش کر دی جس سے نہ صرف اینکر سکتے میں آ گئی بلکہ ویڈیو بھی انٹرنیٹ پر شدید وائرل ہو گئی ۔
تفصیلات کے مطابق یہ انتہائی حیران کن واقعہ پاکستان چیمپئنز اور جنوبی افریقا چیمپئنز کے درمیان ہونے والے فائنل میچ کے بعد پیش آیا، لیگ کے مالک ’ہرشت تومر ‘نے لائیو پروگرام کے دوران میزبان کرشمہ کوٹک کو شادی کی پیشکش کرنے کا عندیہ دے دیا ۔
اینکر کرشمہ کوٹک نے ورلڈ چیمپئن شپ آف لیجنڈز کے مالک ہرشت سے سوال کیا کہ وہ ٹورنامنٹ کی کامیابی کا جشن کس طرح منائیں گے؟ جواب میں ہرشت نے ہنستے ہوئے کہا ’’ جیسے ہی یہ سب ختم ہوتا ہے، میں آپ کو پرپوز (شادی کی پیشکش)کرنے والا ہوں‘‘۔
کرشمہ کوٹک یہ سن کر کچھ لمحے کے لیے حیران رہ گئیں اور بس اتنا کہہ سکیں، ’’ اوہ مائی گاڈ!‘‘ تاہم انہوں نے فوراً خود کو سنبھالا اور پیشہ ورانہ انداز میں دوبارہ اپنی ذمہ داریوں کی طرف متوجہ ہو گئیں۔
یہ دلچسپ لمحہ کیمرے کی آنکھ میں قید ہو گیا اور سوشل میڈیا پر دیکھتے ہی دیکھتے وائرل ہو گیا، جہاں صارفین نے اس پر دلچسپ تبصرے بھی کیے۔
WATCH 🎥 | Viral Video: "I Am Going To Propose To You": #WCL Owner #HarshitTomar Tells TV Presenter #KarishmaKotak On Live TV#WorldChampionshipOfLegends owner, Harshit Tomar, made a cheeky proposal comment while speaking to presenter Karishma Kotak pic.twitter.com/Ckz4xJwFNl
— Bollywood Buzz (@BollyTellyBuzz) August 3, 2025
