سمندری راستے سے ایران اور خلیجی ممالک جانیوالوں کیلئے بڑی خوشخبری ہے، وزارت بحری امور نے فیری سروس لائسنس کی اصولی منظوری دیدی۔
پاکستان سے ایران اور خلیجی ممالک جانیوالوں کیلئے سمندری راستہ بھی کھل گیا، وزارت بحری امور نے فیری سروس لائسنس کی اصولی منظوری دے دی، سی کیپرز کو ایران اور خلیجی ممالک کیلئے فیری سروس لائسنس کی منظوری دی گئی ہے۔
وفاقی وزیر جنید انوار چوہدری کا کہنا ہے کہ آج بحری رابطے کی نئی تاریخ رقم ہوئی ہے، فیری سروس سے زائرین اور مزدوروں کو سستا سفر میسر ہوگا، کراچی اور گوادر سے فیری سروس کا آغاز ہوگا۔
انہوں نے کہا کہ سمندری سفر محفوظ، آرام دہ اور قابلِ استطاعت بنایا جائے گا، پاکستان کی سمندری معیشت کو فروغ ملے گا، فیری سروس سے علاقائی سیاحت اور تجارت کو بھی فروغ ملے گا، فیری سروس شروع کرنے کیلئے کوششیں تیز کر دی ہیں۔
