،وفاقی حکومت کا 14 اگست کو بڑی جنگ میں بڑی فتح کے دن کے طور پر منانے کا فیصلہ کیا ہے
14 اگست کا دن پاکستان کی عظیم کامیابی معرکہ حق سے منسوب کردیا گیا،یومِ آزادی 2025 قومی سطح پرتاریخی فتح کی یادگار کے طور پر منایا جائے گا
چودہ اگست پرملک گیرسطح پر قومی یکجہتی، عزم اور فخر کا مظاہرہ کیا جائے گا،وفاقی سطح پر معرکہ حق کی فتح کی خوشی میں تقریبات کی تیاریاں کی جارہی ہیں،
قومی دارالحکومت میں یومِ آزادی پر خصوصی پریڈ اور فتح کی تقاریب کا انعقاد ہوگا،تمام صوبوں، آزاد کشمیر اور گلگت بلتستان میں معرکہ حق کی فتح کا جشن منایا جائے گا،14 اگست کی تقریبات کو تاریخی بنانے کے لیے خصوصی تھیمز، ترانے اور تقاریر تیار کی جائیں گی۔
سرکاری عمارتوں پر چراغاں، خصوصی ملبوسات اور فلوٹس فتح و اتحاد کی نمائندگی کریں گے،معرکہ حق کو قومی بیانیے کا حصہ بنانے کے لیے میڈیا پر خصوصی مہم کا بھی آغاز کیا جائے گا،یومِ آزادی 2025 عوامی جذبے، قومی حمیت اور استقامت کی نئی علامت بنے گا۔
